Safayi Ali Dede Divanı

Ramazan Ekinci

Sen merdüm-i çeşman-ı Muhammedsin efendim
Sen hulk-ı Muhammedle mü'eyyedsin efendim
Kenz-i hafi sırrına mümeccedsin efendim
Sen sırr-ı ‘Ali varis-i Ahmedsin efendim
Sıddik-neseb al-i Muhammedsin efendim
Feyz-i nebevi mazhar-ı sikkendeki himmet
Tennure-i ‘aşkında nihan sırr-ı hamiyyet
Zıll-ı ‘arakıyyen Kafa ‘Anka-yı hakikat
Sen sırr-ı ‘Ali varis-i Ahmedsin efendim
Sıddîk-neseb al-i Muhammedsin efendim
Lev lake lema sırr-ı seri zatın içün tac
Didar-ı Huda dide-i ma-zagına amac
Mansür-ı zaman gavs-i cihan feyzine muhtac
Sen sırr-ı ‘Ali varis-i Ahmedsin efendim
Sıddik-neseb al-i Muhammedsin efendim